Contributed

The Lord ah mi one boss, and mi nuh fi want nutt’n.

Ah Him ah prevent mi from tell off people everyday.

Ah Him ah gimme peace, when so-so madness a gwan roun’ mi

Ah Him ah remind mi fi pray and fi do everyting widout complain, murmur or kiss mi teeth.

Ah Him ah remind mi dat ah Him, noh mi job, ah mi source, although lickle more pay woulda nice.

Him ah stap mi from mad a daytime, an’ ah guide mi decision dem, so mi can honor Him inna hev’ryting.

Ah Him ah prevent mi from shoot up di whole place, an’ tun’ all misupervisor dem inna some duppy so mi no haffi go ah prison, an’ live mongst ah bag ah battyman or get heng.

Even though mi get one whole heap of e-mail, fool fool deadline fi work wid, have some co-worker dem whey a chat mi behind mi back, some big heediat fi supervisor, an’ ah old body dat kyaan’ mek it a morning time, mi nah give up because Him deh wid mi!

Him presence, Him peace, an’ Him power ah go si mi through.

Ah Him ah raise mi up, even when di heediat dem nah promote mi hardworking self, though mi have three set a degree an’ diploma.

Ah Him claim mi as fi Him own, even when di company ah threaten fi fiah mi, an’ me ah threaten fi light wan fiah an’ bun di whole place ah grung.

Fi Him faithfulness an’ love betta dan any bonus check (but yu simi, a check woulda help out some time).

Fi Him retirement plan betta dan every pension plan outta road, but mek anybady try rob this place yah an yuh see wha ‘appen out yah tiday.

When unnu done talk; Ah Him mi ah go wuk fah fi wan long time … So Tank Yuh Lord.

Related posts:

1. Jamaican Version of Three Likkle Bears Baby Bear goes downstairs and sits in his small chair at the table, he looks into his small bowl. It is empty. “Mama, s’maddy nyam me porridge!!” he squeaks. Papa Bear arrives at the big table and sits in his big chair. He looks into his bowl, and it is also empty. “A who eat [...]...
2. Jamaican reggae star Buju Banton pleads not guilty to drug charge TAMPA, Fla. — Jamaican reggae star Buju Banton has pleaded not guilty to a drug charge in a Florida federal court. Banton was arraigned Thursday on a charge of conspiring to buy more than five kilograms of cocaine from an undercover law enforcement officer in Sarasota last month. The 36-year-old singer, born Mark Myrie did [...]...